හුස්ම ගන්නත් වෙලාවක්

කොතනින් පටන් අරගෙන කොතනින් ඉවර කරන්නද හිතා ගන්න බැරි වැඩ කන්දරාවක ඉන්න කොට මට ඇගේ මූණ පෙණුනා. ඇය මා එක්ක හිනා වෙනවා දැක්කා.
ඒත්, මම සුපුරුදු විදියට කරමින් හිටිදේට අවධානය යොමු කළා. ඒක දුෂ්ටකමක් බව යටි හිත කියද්දිත් මම ඒ තීන්දුවේ හිටියා. අන්තිමට මගේ වැඩ අතරෙ ඇගේ මූණ අමතක වෙලා ගියා. පැයකට විතර පස්සෙ මගේ කටයුතු අහවර කරලා වටපිට බැලූවම මම වගේම තවත් අය වැඩකරන හැටි දැක්කා. ඒ අයටත් හුස්ම ගන්න වෙලාවක් නැහැ. වැඩවලටම ගිලිලා. කරවටක් ගිලූණාම හුස්ම ගන්න දඟලන කෙනෙක් වගේ මම පොඞ්ඩකට එතැනින් ඉවත් වුණා.
ඒත් මට මතක් වුණා ඇගේ හුරතල් මූණ. ඒ වනවිට ඒ මූණ බෙරි වෙලා. කඳුළු කැට ගලා හැලෙනවා. මගේ පපුව පිච්චිලා ගියා. ඇයි මම ඇයට එහෙම කළේ? මම මගෙන්ම ඇහුවා. ඒත් ඒකට උත්තරයක් හොයාගන්න නතර නොවී ඈ ඉන්නවද බැලූවා. පැත්තකට වෙලා ඈ තමන්ගෙම වැඩක යෙදෙනවා. කවදාවත් නැති විදියට ඈ හුදකලා වෙලා. මට ඉබේම වගේ දිග හුස්මක් පිට වුණා. අපි හැමෝම මේ විදියට වැඩ වැඩ වැඩ. අපිට හුස්ම ගන්නත් වෙලාවක් නැහැ.
ඒ වුණත් මම තීරණය කළා මේ විදියට ගිලිලා මැරෙන එක වෙනස් කරන්න. මම ඈ ළඟට ගියා. මම ළඟට ආ බව දැනිලා ඈ හිස ඔසවලා මා දිහා බැලූවා. ඒත් ඈ කිසිම සැලකිල්ලක් දැක්වුවෙ නැහැ. ඈටත් ගොඩක් වැඩ.
‘‘මොකක්ද රත්තරනේ ඔය කරන්නෙ?’’ මම මෘදු ලෙස ඇහුවා.
ඈ නිහ`ඩයි. මගෙ දිහා බලන්නෙත් නැතිව ඈත දිහා බලාගෙන තමන්ගෙ පාඩුවෙ හිටියා.
‘‘ඇයි ඔයා මාත් එක්ක තරහද?’’ මම ආපහු ඇහුවා. ඒත් දැන් මගෙ ඉවසීම ඉවර වෙන්න කිට්ටුයි.
‘‘ඔයා ඉතින් වැඩවලනෙ. මම කතා කෙරුවට බැලූවෙවත් නෑනෙ.’’
ඉවසීම ඉවරයි. මම ඈ වටා අත් විහිදලා වඩා ගත්තා.
‘‘මගෙ රත්තරන්, අප්පච්චිට වැඩ ගොඩක් තියෙනවනෙ. ඒත් ඔයාට මම ආදරෙයි.’’ මම සිඟිති මුහුණට හාදුවක් දෙමින් කිව්වා.
‘‘මම තරහ නෑ අප්පච්චි’’ ඈ කඳුළු පුරවාගෙන මට තුරුළු වුණා.

Advertisements
  1. හොඳ තාත්තා කෙනෙකුට දුක හිතෙන කතාවක්…
    ඔයා හොඳ තාත්තා කෙනෙක්…

  1. No trackbacks yet.

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: