ප‍්‍රභාකරන් සිංහලයෙක් ද ?

‘මොංගෝලියානුවනි, කහවන් ආසියාවේ
කොකේසියානුවනි සුදුවන් යුරෝ දෙසේ
නීග්‍රෝවරුනි කලූවන් අප‍්‍රිකාවේ
උරය පලා සැතකින් බලන් රුහිරු
එක රතු පැහැයෙන් ගලා හැලෙන අයුරු’

නන්දා මාලිනීගේ ‘පවන’ ගීත සමුච්ඡුයෙන්
පද රචනය: සුනිල් ආරියරත්න

2009 මැයි 18වැනිදා හැන්දෑවෙ නන්දිකඩාල් කලපුවෙ ප‍්‍රභාකරන්ගෙ මලසිරුර සොයාගත් බව ආණ්ඩුව නිවේදනය කළාට පස්සෙ අපේ රටේ සමහරු කිරිබත් උයන්නත් රතිඤ්ඤා පත්තුකරමින් සතුටුවෙන්නත් පටන්ගත්තා. ඒ අයගෙන් ප‍්‍රකාශවුනේ තිස් අවුරුද්දක් රටට හානිකළ බෙදුම්වාදී ත‍්‍රස්තවාදය අවසන්කිරීමේ ජයග‍්‍රහණය බව රූපවාහිනී කැමරා ඉදිරිපිට අදහස් දැක්වූ බුද්ධිමතුන් ප‍්‍රකාශකළා. ඒත් ප‍්‍රභාකරන් මැරුණම සතුටුවෙන්න අපට ලැබුනෙ මොනවද? ප‍්‍රභාකරන්ගෙ මළක`ද ලැබුනම අපේ ප‍්‍රශ්න ඔක්කොම ඉවරද? මේ වගේ කතාබහක් අප අතරෙ ඇතිවුණා.

ප‍්‍රභාකරන් අපේ සමාජයෙදි දුෂ්ටයෙක් තමයි. ඒත් ඒ දුෂ්ටකමට හේතුව මොකක්ද? දේශපාලන වශයෙන් ඔහු වෙනම රාජ්‍යයක් ඉල්ලන්නෙ දෙමල ජනතාවට විස`දුම් නොමැති ප‍්‍රශ්න ගොඩක් තිබුණු නිසයි. ඒත් ජාතිවාදී යුද්ධයක් කරන්න තරම් වෛරයක් ඇතිවී තිබුණා. මේ වෛරය හිට්ලර්ගෙ වෛරය තරම් ගැඹුරු බව සමහරු කිව්වා. හිට්ලර් ගියේ පිරිසිදු ජර්මන්වරු වෙනුවෙන් සටන්කරන වර්ගවාදී පාරක. දෙමල ජනතාවට වෙනම රාජ්‍යයක් ලබාදීමේ නාමයෙන් ප‍්‍රභාකරන් ගියෙත් ඒ පාරෙමයි.

මේ වැරදි පාර මොකක්ද? ඒ තමයි මිනිස් ඉතිහාසය වැරදි ආකාරයට විශ්ලේෂණය කරපු වර්ගවාදී මාවත. උසස් මිනිස් වර්ගයක් පිළිබ`ද මිත්‍යාව 19-20 සියවස්වල ලොවපුරා විද්වතුන් හා දේශපාලන නායකයන් අතර ප‍්‍රබලව තිබුනා. ඒත් 20වැනි සියවසේ අගභාගයෙදි සිදුකළ විද්‍යාත්මක සොයාගැනීම් හමුවෙ එම මතයෙ පදනම බි`දවැටුනා.

මිනිස්සු වානරයන්ගෙන් බිහිවුණු බවට චාල්ස් ඩාවින් මතයක් ඉදිරිපත් කළ පසුව ඒක වැරදි අදහසක් බවට මරාගෙන මැරෙන්න තර්කකරපු අය හිටියා. සමහරු ඇත්තටම විiාත්මක කරුනු නිසා ඒක වැරදියි කියලා කිව්වා. ඒත් ඩාවින්ගෙ මතය වැඩියෙන් විවේචනය කළේ දෙවියන් වහන්සෙ හෝ වෙනත් මහා බලයක් විසින් ලෝකය මැවුබව හිතපු අයයි. ඒ නිසා උසස් මිනිස් ප‍්‍රජාවක් කියලා කවුරුවත් වෙනම බිහිවුනේ නැතිබවට පළවූ මතයටත් විරුද්ධ අදහස් ආවා. ආර්යයන් හෝ යුරෝපොයිඞ් හෝ සුදු හම ඇති හෝ හිස්කබල දිගටි හෝ මෙවැනි හේතු නිසා සෙසු මිනිසුන් පාලනයකිරීමේ අයිතියක් ඇති පිරිසක් ලෝකයේ බිහිවුනු බව ප‍්‍රකාශකිරීමත් එක්තරා මැවුම්වාදයක් වගෙයි. හිරු නොබසින අධිරාජ්‍ය ගොඩනගද්දි බි‍්‍රතාන්‍යයන් ලොකයේ ජාතීන් බෙදා වෙන්කර පාලනයකරන්න මේ කතාව හො`දහැටි යොදාගත්තා. අසල්වැසි ඉන්දියාවෙ බ‍්‍රාහ්මන වංශිකයන් ආර්යයන් බවත් ඉන්දියාවෙ සෙසු ගෝත‍්‍ර හා වෙනත් ජාතිකත්ව ඔවුන්ට වඩා පහත්බවත් කියමින් සුදු අධිරාජ්‍යවාදය ඉන්දියාවෙ බ‍්‍රාහ්මන වංශිකයන්ගෙ ආශිර්වාදයෙන් හා මහරාජාවරුන්ගෙ කැමැත්තෙන්ම පමන්ට රිසි පාලනයක් ගෙනගියා.

මේ කරුණු ප‍්‍රභාකරන්ගෙ මරනය එක්ක ගැලපෙන්නෙ කොහොමද? ඔබ කල්පනා කරනවා ඇති. ප‍්‍රභාකරන් ගැන දෙමළ ජනතාව ගැන කතාකරද්දි ඔවුන් ද්‍රවිඩ කියන එක් මූලික ජන කණ්ඩායමක් ලෙස වර්ගකරන්න පුළුවන්. දෙමළ, මලයාලි, තෙළි`ගු යන භාෂා භාවිතාකරන දකුණු ඉන්දියාවෙ ජනයා ආර්ය නොවන මූලයකින් පැවැත එන බවට මතයක් තිබෙනවා. සිංහල ජනයා විජයගෙන් පැවැත එන බවත් විජය උතුරු ඉන්දියාවෙ ආර්ය මූලයකින් පැවැත එන බවත් කියනු ලබනවා. ප‍්‍රභාකරන් දෙමල ජාතිකයෙක් බවත් ඔහු දකුණු ඉන්දියාවෙ දෙමල ජනතාවට සමීප මූලයක් ඇති නිසා දෙමළ රාජයයක් බිහිකිරීමට කටයුතුකළ බවත් කියනු ලබනවා. ඒත් දෙමළ ජනතාව, සිංහල ජනතාව වශයෙන් මේ වෙන්කරන එක ඇතුලේ සතුරුභාවයක් ඇතිවෙනවා. භාෂාව, සිරිත්විරිත්, සමේ වර්ණය වෙනස්වීම නිසා අපි සහ උන් යනුවෙන් වෙනස්කමක් ඇතිකරගෙන තිබෙනවා. ඒ වෙන් වෙන් ජන කන්ඩායම් අතර බාහිර වශයෙන් තිබෙන වෙනස්කම් ඉතාමත් සමාජ විද්‍යාත්මකයි. ඒ වුණාට මේ සියළු දෙනාම එකම විශේෂ මිනිස් පවුලකට අයත්බව සැළකුවොත් එකිනෙක අතර ඇති මේ වෛරය තේරුමක් නැති දෙයක් බව වටහා ගන්න පුළුවන්.

එකම පවුලක්… ඔව් දැන් විiාඥයන් විසින් විස්තර කරන ආකාරයට මිනිස් සමාජයෙ ආරම්භය එකම මිනිස් පවුලක් බව තමයි පිළිගන්න වෙන්නෙ. ආර්යයන් ගැන උදම් අනන අයටත් අනාර්යයන් ගැනකියමින් සිටින අයටත් තමන් සියළුදෙනා එකම පොදු මූලයකින් බිහිවුණේ කියන කාරණය අමතක කළ නොහැකියි. මේ ගැන විස්තරාත්මකව කියන්න පරිනාමය පිලිබ`ද කළ ගවේශන වගේම පසුකාලයක සංවර්ධනය වූ ජාන විiාවත් යොදාගනු ලබනවා.

අද ලෝකයේ විවිධ රටවල ජිවත්වන ජනයා බිහිවුණේ කොහොමද කියන ප‍්‍රශ්නය මතුවෙනවා. මෙම ප‍්‍රශ්නයට පිළිතුරු සපයන ප‍්‍රධාන පෙළේ මතයක් හැටියට තියෙන්නෙ ‘අප‍්‍රිකාවෙන් බිහිවීම’ පිළිබ`ද අදහසයි. වරින්වර සොයාගනු ලැබූ මානව ඇටසැකිලි යොදාගෙන මෙම මතය සනාථකරනු ලබනවා. ඒ අනුව අප‍්‍රිකාවේ නැගෙනහිර ප‍්‍රදේශයේ බිහිවූ මුල්ම මානව වානරයන් ලෝකය පුරා ගමන්කර ඇත්තේ විවිධ කාලවකවානුවලදිය. වසර මිලියනයකට පෙර ඔවුන් අප‍්‍රිකාවේ සිට ගමන් ආරම්භ කළ බව කියනු ලබනවා. වසර පනස්දාහකට පෙර ඉන්දියාවට පැමිනියේ මෙම පිරිස බව කියනු ලබනවා. ඒ නිසා ඉන්දියාව ජනාවාස වූයේ මුල් මානව සංක‍්‍රමනවලින් පසුව බවත් ඉන්පසු විවිධ අවස්ථාවල සංක‍්‍රමන හා ආක‍්‍රමනවලින් මෙම ජනාවාස වූ ජනතාව මිශ‍්‍ර වූ බවත් කියනු ලබනවා. ඒ මිශ‍්‍රවූයේත් අප‍්‍රිකාවෙන් පිටවී දිගුකාලයක් වෙනත් ප‍්‍රදේශයක ජිවත් වුණු ජනකොටස් සම`ග නිසා මෙම මතය ආර්යයන්ගේ සංක‍්‍රමණ හෝ ආක‍්‍රමණ ලෙස කියනු ලබන සතුරුකම් අවුලූවන මතයට පටහැනියි. ඒ නිසාම ප‍්‍රභාකරන් ඇතුලූ දෙමල ජනතාව අනාර්ය ලෙස හැ`දින්වීමත් පසුකාලයක මෙරටට පැමිනි ජනතාව ආර්යයන් ලෙස සැලකීමත් වැරදියි. භාෂාව හෝ වෙනත් යම් සමාජ විද්‍යාත්මක ලක්ෂන නිසා අප එසේ ආර්ය අනාර්ය වර්ගීකරනයක් කළත් මෙම පොදු මූලයක් ඇතිබව අමතකකළ නොහැකියි.

පිල් බෙදි යුදවදින්නට තරම් සතුරන් නොවන බව මිනිස්සු වටහාගත්විට දේශපාලකයන්ට අවාසි වෙනවා. ජාති ආගම් කුල ආදි වශයෙන් මිනිසුන් බෙදී සිටිනවිට ඒ බෙදීම් අවුලූවා බලයට පත්වෙන්න විවිධ ක‍්‍රම ඔවුන් දන්නවා. ඒත් තමන් අතරෙ වෙනසක් නෑ, ඇනකොටාගන්න හේතුවක් නෑ තියෙන ප‍්‍රහ්නවලට උත්තර හොයන්න එකතුවෙන්න පුලූවන් කියන අවබෝධය ඇතිවුනොත් දේශපාලකයන්ට අවාසියි. ඒ නිසා ඇත්ත දැනගන්නවාට ඔවුන් විරුද්ධයි. ඇත්ත කියන මිනිස්සුන්ට බොරු චෝදනා නගන්නේ, ඔවුන් මරා දමන්නෙ ඒ නිසයි. අතීතයේ මිනිස්සු හිතුවෙ ඉර අප ජිවත්වන ලෝකය වටේ කරකැවෙන බවයි. ඒක එහෙම නොවෙයි කියූ අය ඒ කාලෙ පාලකයන් හා පූජකයන් විසින් නඩු අහලා දසවද දීලා මරා දැමුවා. ඒත් දැන් අපි ඇත්ත දන්නවා. කවුරු කොොහම කියුවත් ඇත්ත වෙනස් වෙන්නෙ නෑ. ලේ සාගරයක ගිල්වුවත් සත්‍ය මරාදමන්න බෑ. අදත් අපේ මිනිස්සු ඇත්ත දැනග්න භාවිතාකරන ජනමාධ්‍යයත් දේශපාලනයත් මර්දනය කරන්න උත්සාහ කරන්නෙ පාලකයන් විසින්.

ප‍්‍රභාකරන් සිංහලයෙක්ද කියලා එක පාරටම අපට කියන්න බෑ. ඒත් සිංහල දෙමළ ජනතාව අතර ලොකු වෙනසක් නෑ කියලා දැනටමත් සොයාගෙන තියෙනවා. ඒ ජාන පරීක්ෂන ම`ගින්. මිනිස් සමාජයේ ඉතිහාසය ගැන හොයන්න හැකියාව තියෙන තවත් ක‍්‍රමයක් වන ජාන විiාව ම`ගින් කළ අපූරු සොයාගැනීම් මීළ`ගට අපේ අවධානයට යොමු කරමු.

ඉන්දියාවේ සුප‍්‍රකට ජාන විiාඥයන්වන ආචාර්ය ගෞතම් ශාස්ත‍්‍රියා, ආචාර්ය සාරාබ්ජිත් මස්තානියන් සහ ආචාර්ය රොබට් කර්ක් විසින් කළ පර්යේෂණ මෙම නිගමනයන්ට එළඹීමට හේතු සපයනවා. ආචාර්ය ජී.කේ. ශාස්ති‍්‍රයා තම පර්යේෂණය සිදු කළේ 1995දි. ඔහු මේ පිළිබ`ද අවසන් වාර්තාවක් නිකුත්කලේ 2008 වසරෙදි. එම පර්යේෂණයට පදනම් කරගත්තේ ජාන විiාවේ එක් විශේෂ ක‍්‍රමයක්. අප‍්‍රිකාවේ බිහිවූ මානව වාරනයන්ගේ සිට ලොව පුරා විහිද ගිය මානව ශිෂ්ටාචාරයේ කතාව සොයාගන්නටත් උපකාරි වූ මෙම ක‍්‍රමය හ`දුන්වන්නේ ‘ජාන ලක්ෂණ’ ක‍්‍රමය ලෙසයි. වර්ෂ දහස්ගනනක් එක් ප‍්‍රදේශයක ජිවත් වූ මානවයා එම ප‍්‍රදේශයෙන් වෙනත් පරිසරයකට යාමේදී දේශගුනය හා වෙනත් පරිසර තත්වයන් වෙනස්වීමෙන් මෙම ජාන ලක්ෂනය ඇතිවෙනවා. අප‍්‍රිකාවෙන් මධ්‍යම ආසියාවට පැමිණි අවස්ථාවේදී සහ ඉන්දියාවට පැමිණි අවස්ථාවේ ආදි වශයෙන් එවැනි ජාන ලක්ෂන ඇතිවූ බව සොයාගෙන තිබෙනවා. ශ‍්‍රී ලංකාවේ ජිවත්වන අපගේ ජානවලත් මෙම ජාන ලක්ෂනය නොමැකී පැවතීම නිසා අප ද අප‍්‍රිකාවේ සිට පැමිණි ආදි මානවයන්ගෙන් පැවත එනබවට නිශ්චිතව හෙළි වෙනවා. ඒ අනුව කළ පර්යේෂන ම`ගින් හෙලිකරන කරුණු ඉතාමත් පුදුම සහගතයි.

ආචාර්ය මස්තානියන් හෙලිකරන ආකාරයට ශ‍්‍රී ලංකාවේ ජිවත්වන දෙමල ජනතාව දකුනු ඉන්දියාවේ දෙමල ජනතාවට වඩා සිංහල ජනතාවට ජානමය සමානකමක් දක්වනවා. මෙරට වෙසෙන මුස්ලිම් ජනතාව පැවැත එන්නේ ඉන්දිය මුස්ලිම්වරුන්ගෙන් කියන මතයක් තිබෙනවා. එහෙත් මෙරට මුස්ලිම් ජනයා ඉන්දිය මුස්ලිම්වරුන්ට වඩා මෙරට දෙමල හා සිංහල ජනතාවට සමීපකමක් දක්වන බව මෙම පර්යේෂණයෙන් හෙලිවී තිබුණා. එසේම සිංහල ජනතාව (සහ මෙරට දෙමල ජනතාව* උතුරු ඉන්දිය ජනතාවට වඩා දකුණු ඉන්දිය දෙමළ ජනතාවට සහ බෙංගාලි වැසියන්ට ජානමය වශයෙන් කිට්ටුවන්තකමක් ඇති බව කියනු ලබනවා. මේ කියන්නේ මොකක්ද? ආර්යයන් ලෙස උතුරු ඉන්දියාවෙන් ලංකාවට පැමිණිවුන්ගෙන් සිංහලයන් පැවැත එන බවට මෙතෙක් පැවැති මතය මෙයින් ප‍්‍රතික්ෂේප වෙනවා. මෙරට සිංහල, දෙමළ හා මුස්ලිම් ජනතාව එකිනෙකාට ජානමය වශයෙන් සමීපවීම හා ඔවුන් දෙපාර්ශ්වය දකුනු ඉන්දිය දෙමල ජනතාවට සමීපවීම තේරුම්ගතහැකිවන්නේ කෙසේද? ආර්යයන් ලෙස යුරෝපයෙන් සංක‍්‍රමණ හෝ ආක‍්‍රමණ ලෙස මෙරට ජනාවාස වූ බව කියනවාට වඩා අප‍්‍රිකාවේ සිට පැමිණි එක් මූලයකින් ඉන්දියාවේ දකුණ හා ශ‍්‍රී ලංකාවේ ජනාවාසකරණය වි ඇති බව මෙයින් තේරුම්ගන්නට පුළුවන. ශ‍්‍රී ලංකාවේ ජනතාව ජනවාර්ගික වශයෙන් එකිනෙකා අතර පරතරයක් හදාගෙන තිබුණත් ඔවුන් අතර ජාන විiාත්මක වෙනසක් නැතිබව මේ ජාන පර්යේෂනය අනුව පැහැදිලි වුනා.

මෙම කරුනු අපට පවසන්නේ කුමක්ද? ප‍්‍රභාකරන් අයත් ලාංකීය දෙමළ ජනතාව සිංහල ජනතාව සම`ග සමීපකමක් දක්වන නිසාත් ඉන්දිය දෙමළ ජනතාවට වඩා ලාංකික දෙමළ, සිංහල හා මුස්ලිම් ජනතාව මෙරටට වෙන්ව පැමිණ පදිංචිවූවන් යන මතය බි`දවැටෙනවා. මෙම භාෂාමය හා සංස්කෘතික වෙනස්කම මෙරටට එකම කාලයක විදේශයෙන් පැමිණ පදිංචිවූ එකම ජන කොටසකින් ඇතිවූවක්ය යන්න එක්වරම පිලිගන්නට නොහැකිය. කෙසේ වෙතත් ඔවුන් එක් පොදු මූලයකින් පැවැත එන ලේ නෑයන් බව නම් පැහැදිළිය. 1940 දසකයේ සිට වෙනම රාජ්‍යයක සංකල්පය වර්ධනය වෙමින් මෙරට දෙමළ ජනතාව බෙදුම්වාදි අන්තයකට ඇද දැමු සමාජ දේශපාලනික හේතු ඇත. සිංහල වේවා දෙමළ වේවා ජාතිවාදී දේශපාලකයන් විසින් මෙරට සිංහල හා දෙමළ ජනයා බෙදා වෙන්කර පාලනයකිරීමෙන් මෙම සන්නද්ධ බෙදුම්වාදයට පාරකැපූ බව සත්‍යයකි. ඔවුන්ගේ දේශපාලන බලය වෙනුවෙන් දියත් වූ ව්‍යාපෘති හේතුවෙන් වසර තිහක් එකිනෙකා මරාදමමින් යුද වැදුණේ සහලේ ඥාතිවරුන් බව පැහැදිලිය. ජාන විiාවෙන් වේවා මනුෂ්‍යත්වයේ නාමයෙන් වේවා ඊට වඩා ඛේදජනක සොයාගැනීමක් තවත් කොයින්ද?
Impact of Ecology On Human Development

මෙම ලිපිය සකස් කිරීමේදී නවතම විද්‍යාත්මක තොරතුරු සහ මූලාශ‍්‍ර ලබාදීමෙන් දායක වූ වෛද්‍ය රෝහණ දයාරත්න මහතාට කෘතවේදීත්වය පළ කරමි

Advertisements
    • jayantha ratnayake.
    • ඔක්තෝබර් 21st, 2010

    කාලීන වැදගත් සාරවත් අදහස් වලින් සපිරි ලිපියක්,අධිරාජ්‍යයවාදය විසින් ලක්පොලොවේත් පොදුවේ සූරාකෑමට ගොදුරුඌ ලෝකයේ සමහර රටවල පැලකරනලද වැරදි ජාතිවාදී වෛරයේ විසබීජ තුරන් කරනතාක් පන්තිසටන වෙනුවට ආදේස කරනලද මෙමබෙදීම,සූරාකෑම වෙනුවෙන් සේවය කරනූඇත.කිරියාවෙන් බමුනාත් වසලයාත් තෝරාගැනීමට අප සූදානම් දිනක මෙම බෙදීම පිටුදැකියහැක..

  1. මිනිසා පැවතෙන්නේ ඌරන්ගෙනි!

  2. Brings tears to my eyes to see the commitment shown here for a good cause. There is a another war to fight in! The war against forces that trying to dismantle science, and specially evolutionary biological explanations of human history. Here is our contribution to this effort.

    http://www.secularsrilanka.com/discussions/prasad-s-rants/understanding-evolution (පරිණාමිකව, සියලු සත්වයෝ එක සමානයෝය)

    Above post was made by a fellow secularist in Secular Sri Lanka group.

    • dongdong
    • ඔක්තෝබර් 24th, 2010

    ජාතිවාදය අඩු කරන්න නම් මේ ලිපිය ලිව්වේ, එක හොඳ වැඩක්. එත්.. මේ ලිපිය මෙහෙම ප්‍රශ්නත් අහනවා…
    “ඒත් ප‍්‍රභාකරන් මැරුණම සතුටුවෙන්න අපට ලැබුනෙ මොනවද? ”
    ප්‍රබාකරන් මලාට පස්සේ අපිත් මැරිලා ඉපදුනේ නැහැ.
    ඒ දවස්වල අපි පාරට බහින්නේ කොච්චර බයෙන්ද? බෝම්බයක් ගිය කියල ඇහුනාම, ෆෝන් එකේ බිල ඉවරයි හතර වටේ කතා කරලා… ඇයි පවුලේ අයගෙන් කාට හරි කරදරයක් වුනාද කියල හිත පුදුම බයෙන් ඉන්නේ.. බස් වල ගමන් කොච්චර අඩු කලාද බස් බෝම්බ වලට බයෙන්… ත්‍රී වීලේර් වලට ගෙවල සාක්කුව හිස්. ත්‍රී වීලර් එකක් ගන්ඩ බැරි එකාට ඉතින් හුලන්. අපිට මේවා අමතක නේ. අපි මැරිලා ඉපදුනෙත් නැහැ මහත්තයෝ.
    දවස ගානේ අපේ කොල්ලෝ උතුරේ මැරෙන කොට මහත්තයල බුදියගෙනද උන්නේ? දැනුත් එහෙම මැරෙනවද? එහෙනම් අපිට මුකුත්ම ලැබිල නැද්ද මහත්තයෝ?
    මහත්තයට මුකුත් ලබුන්නැති වුනාට අපිට නම් ගොඩාක් දේවල් ලැබුනා

    කම්මන්නෝ වසලූ හොති, කම්මන්න හොති බ්‍රහ්මනෝ කියල කිව්වලු බුදු හාමුදුරුවෝ. මිනිහෙක් බ්‍රාහ්මණයෙක් හෝ වසලයෙක් වෙන්නේ ඔය ජාන වලින් නෙවේ, කල ක්‍රියාවෙන්. කාට මොන ජානේ තිබ්බත් නරක වැඩ කරන එකා නරකයි හොඳ වැඩ කරන එකා හොඳයි. එත් මෙහෙම දෙයකුත් තියනවා… හොඳ නරක දෙක තම තමන්ට සාපේක්ෂයි. අපි හැමෝම එකයි කියන ගොන් තර්කය ඔය මහත්තය කතා කරන “බටහිර විද්යවෙනුත් ” ඇති තරම් විවේචනය කරලා තියනවා. අපි එක වගේ නැහැ, අපි වෙනස්. එහ වෙනස් කම් හදුනා ගැනීම තමයි වැදගත්. අපේ වෙනස් කම් හඳුනාගෙන ඒවා අගේ නොකලාම තමයි බෝග ගොඩක්වෙන්නේ.

    ඔය උඩින් ලියල තියන මෝඩ පඬිය ගැන නම් ඉතින් කතා කරලා වැඩක් නැහැ.

    සමහර තැන වලදී මේ ප්‍රශනය වර්ගවාදී ජාති වාදී එකක් කියල හංවඩු ගහන්න හදන ඔය මහත්තයම තව තැන වලදී මෙහෙම කියනවා “පිල් බෙදි යුදවදින්නට තරම් සතුරන් නොවන බව මිනිස්සු වටහාගත්විට දේශපාලකයන්ට අවාසි වෙනවා”
    එකින් පේනවා මේක ජාති වාදී ප්‍රශ්නයක් නොවේ. මෙතන තිබ්බේ කොහෙවත් යන වල් උලමෙක්ට බලයට තිබ්බ කාදර කම. බල ලොබියා සිංහල වුනත් එකයි දෙමල වුනත් එකයි, මුස්ලිම් වුනත් එකයි.
    එක හන්ද ජාන කතාව බල්ලට දාන්ඩ මහත්තයෝ. මහත්තය කාගේ පදෙට නැටුවත්, හරි දෙය තෝරාගන්න එක මහත්තයට හොඳයි.

    • @dongdong: මේ ලිපිය ලියපු කෙනාගෙ ඔබ දන්නා දෙශපාලන නැඹුරුව අමතක කරල, මෙ ලිපියෙ අන්තර්ගතය පමනක් ගත්තොත්, ඔබට මෙහි එකඟ වෙන්න බැරි කරුනු මුකුත් කියල නැහැ නේද? ප්‍රභාකරන් මැරුන එකෙන් අපිට කෙටිකාලිනව නොයෙක් දේ ආපසු ලැබුන බව නම් ඇත්ත. ඉතින් එහෙම දෙයක් මිනිස්සු ප්‍රීති ගෝසා කරල සමරන එක අරුමයක් නෙමේ. මමත් එක පිලිගන්නව. මෙම ලිපිය ලියපු කෙනා ඊට වඩා දුර යන ප්‍රශ්නයක් නෙද අහන්නෙ? අහපු ප්‍රශ්නයේ වචනාර්තයම ගන්න එපා.

      කම්මන්නෝ වසලූ හොති, කියල ඔබ පටන් ගත්ත ඡෙදයේ ඔබම ලියල තියෙන කරුනම නෙමේද මේ ලිපියෙ අන්තර්ගතය? අපි වෙනස් වෙන්නෙ උපතින් නොව ක්‍රියාවෙනුයි කියල දන්න, එය පිලිගන්න, ඔබ වගේ කෙනෙකුට මේ ලිපියෙන් ඉගෙන ගන්න අමුතු දෙයක් නැතුව ඇති. නමුත් එහෙම නොහිතන, ආර්ය / අනාර්ය ජානමය වෙනසක් ගැන විශ්වාස කරන, ලොකු පිරිසක් ඉන්නව කියල අමතක කරන්න එපා. මෙක සර්වජන චන්ද ක්‍රමය තියෙන රටක් නිසා බහුතරය හිතන මතන දෙය අන්තිමට අපි හැමෝටම බලපානව.

      මොනවහරි හොඳ දෙයක් ලියවුනු තැනක, එක ලියපු කෙනාගෙ දේශපාලනය හරහා හිතල, එකෙන් කියවෙන හොඳ දේ කන්ඩෙම් කරල දාන්න එපා මහත්තයා. ඒක හරි නැහැ.

      “උඩින් ලියල තියෙන පඬිය” කිව්වෙ මට නෙමෙයි අර තෙරුමක් නැති ඌරු කතාව කියල ඌරන්ට අපහාස කරපු කෙනාට කියල මම හිතනව.

        • dongdong
        • ඔක්තෝබර් 25th, 2010

        මෙ ලිපියේ හරය ගත්තොත් ඇත්තටම කතා කරන්නේ ප්‍රබාකරන් කෙනෙක් ගැන නෙවෙයි කියල මට තේරෙනවා. ඒ සදහා මේ මහත්තය බටහිර විද්‍යාවෙන් උස්ස ගත්ත කලි ටිකක් දාල කරලා අඹරලා හොඳ පදමට හදා ගෙන තියනවා. එක ගැන කිසි වාදයක් නැහැ. තර්කයකුත් නැහැ. මොකද ඉතින් බටහිර විද්‍යාවට ගහන්ඩ අපි පොරවල් නෙවෙයි නේ. මම ඉතාමත් සරල විදියට හිතන, සරල මනුස්සයෙක්, ඉතින් මම කියන්නේ බොහොම සරල දෙයක්. ප්‍රභාකරන් මැරිච්ච එක හොඳයි. මනුස්සයෙක් මැරෙන්න කියන එකත්, නරක දෙයක් වුනත්, ඒ කාලකන්නිය නිසා කී දාහක් මලාද?

        මෙ ලිපිය සමස්තයක් ලෙස ගත්තොත් කියන්ඩ හදන්නේ, අපි හැමෝම එකයි කියල වගෙ එකක් තමයි මට හැගුනේ..(මම ඉතින් ටිකක් විතර මෝඩයි… ඉතින් එහෙම නෙවේද දන්නෙත් නැහැ.) ඒ වුනාට අපි ගොඩාක් වෙනස්. ඒ වෙනස් කම ඉත්මතු කරන්ඩ ඕන… බොරුවට අපි හැමෝම එකයි කියල කෑගහන එක මහා යල් පන ගිය ගොන් කතාවක්. ඔය සුදු මහත්තුරු ලියපු ගොඩක් පොත්වලත් එහෙම තියනවා. ඒ සුදු මහත්තුරු කියන හැම දේම හරි දේවල් නොවුනත් ඔය කියන කතාවේ නම් අත්තක් ඇති කියල මට හිතෙනවා.

        ඔන්න ඕක තමයි මට කියන්ඩ ඕන වුනේ.

        අනෙ බුදු sir සමා වෙන්ඩ ඕනේ, ඔය මහත්තයට නෙවේ මම පඬිය කිව්වේ, අර මුලින් ලියල තියන එකාට. මුල්වතාවට ගණිකා මඩමකට ගිය චු කොල්ලෙක් වගෙ, සමහරු එක වචනයක් හොයාගත්තම එක හැම තැනටම ඔබන්ඩ හදනවා.

      • අපි හැමෝම එකයි කියල නෙමේ මහත්තය මෙ ලිපියෙන් කියවෙන්නෙ. අපෙ වෙනස්ඛම් සංස්කෘතිකයි, දෙශපාලනිකයි කියන එක. උප්පත්තියෙන්, හමෙ වර්නයෙන්, උස මහතින් එන වෙනස්කම් අපිට අවෙ කොහොමද, ඒ වෙනස්කම් යට තියීන අපෙ සමානකම මොකක්ද කියලය තමයි අර ඔය මහත්තයට තරරමක් අජීර්න “බටහිර” විද්‍යවෙන් පැහැදිලි කරන්න හදල තියෙන්නෙ.

        අංස්කෘතික, දෙශපාලනික වෙනස්කම් මිසක් අපි අතරෙ නොපැහෙන්න බැරි, ජානමය වෙනස් කමක් නැහැ කියන එක සුලු කාරනයක් නෙමෙයි.අපි අතරෙ දැනට තියෙන්නෙ කෘතිමව ඇති කරපු ජාතිවාදයක්. ඒක එසෙ විය යුතු නැහ කියන තැනින් පටන් ගත්තහම, ඔය මහත්තය ඔය කියන අසමාකම් සමග ජීවත් වීමට අපිට වැඩි හැකියාවක් ලැබෙයි.

      • තව දුරටත් කියනවා නම් අපිට අපේ “සමානයන්” හොයා ගන අපෙ සිතිවිලි සහ ක්‍රියාවල් මිසක් ජාතෙකේ වැඩක් නැහැ කියන පදනමට ආවට පස්සෙ, ඔය මහත්තය සහ මම අතරෙ තියෙන අසමාන කම පැහැදිලිව පේනව. ඒ වගෙම මම විදිහට හිතන, නමුත් ජාතකෙන් සිංහල බෞද්ධ නොවන කෙනෙක් සමග තියෙන සමාන කම ඉස්මතු වෙනව. ඉතින් එක නරකද?

      • ඔය මහත්තයත් මම වගේම ජාතකෙන් සිංහල බෞද්ධ කියල මම කරපු උපකල්පනය හරියන්න 99%ක් ඉඩ තියෙනව. වැරදිනම් කමන්න.

  3. “අධිරාජ්‍යයවාදය විසින් ලක්පොලොවේත්, පොදුවේ සූරාකෑමට ගොදුරුඌ ලෝකයේ සමහර රටවල පැලකරනලද වැරදි ජාතිවාදී වෛරයේ විසබීජ ”

    අධිරාජ්‍යයවාදය කොරපු ඉටි ගෙඩියක් නැහැ. අපේ උන්ගේ ගොන්කම තියෙන්නේ.
    රට හරක්, හැමදාම රැවටෙන්න කැමතියි. නිවටයි. අති උතුම් කියලා හිතා ගෙන ඉන්නේ. ගොඩ ඒමක් නෑ.

    • කිංග්ස්ලි
    • නොවැම්බර් 2nd, 2010

    සිරිමල්වත්ත! ජාතීන් අනුව වෙනස් ලෙස මේ රටේ දෙමළ මිනිස්සුන්ට සැළකුවේ ඔහෙලමයි. දෙමළට ගහනකොට හදිසි නීති ඇතුළු මර්දන නීති අනුමත කරන්න සහාය දීම හොද වෙන්නත් සිංහලයන්ට ගහනකොට විතරක් ඒවාට විරුද්ධ වෙන්නත් හේතුව මොකක්ද? එතැන තියෙන්නේ ජාතිවාදේ නෙවෙයිද? නිකම් බොරු විද්‍යාත්මක කමක් ආරෝපණය කරගෙන ජාතිවාදී හෙළුව වහගන්න හදන්න එපා.

  1. මාර්තු 8th, 2012
    Trackback from : backlinks

ප්‍රතිචාරයක් ලබාදෙන්න

Fill in your details below or click an icon to log in:

WordPress.com Logo

ඔබ අදහස් දක්වන්නේ ඔබේ WordPress.com ගිණුම හරහා ය. පිට වන්න / වෙනස් කරන්න )

Twitter picture

ඔබ අදහස් දක්වන්නේ ඔබේ Twitter ගිණුම හරහා ය. පිට වන්න / වෙනස් කරන්න )

Facebook photo

ඔබ අදහස් දක්වන්නේ ඔබේ Facebook ගිණුම හරහා ය. පිට වන්න / වෙනස් කරන්න )

Google+ photo

ඔබ අදහස් දක්වන්නේ ඔබේ Google+ ගිණුම හරහා ය. පිට වන්න / වෙනස් කරන්න )

%d bloggers like this: